ពលរដ្ឋគ្រោងនាំគ្នាធ្វើការតវ៉ារឿងមន្ត្រីគយប្រចាំស្នាក់ការច្រកព្រំដែនបន្ទាយចក្

Copy LinkFacebook MessengerSkypeSMSWhatsAppTelegramGmailGoogle BookmarksViberPinterestEmailLineFacebook

ព្រៃវែង ៖ ក្រុមអ្នករកស៊ីទិញស្រូវយកទៅលក់នៅប្រទេសវៀតណាម តាមច្រកព្រំដែនអន្តរជាតិបន្ទាយចក្រី ស្រុកព្រះស្តេច ខេត្តព្រៃវែង ផ្ទុះការរិះគន់ និងគ្រោងនាំគ្នាតវ៉ា ចំពោះ ការជំរិតទារលុយពីសំណាក់គយ ច្រកព្រំដែនបន្ទាយចក្រីថ្មី ក្នុងមួយឡាន១មុឺនរៀល។
ប្រភពពីឈ្មួញទិញលក់ស្រូវបានឲ្យដឹងនៅព្រឹកថ្ងៃអាទិត្យទី២១ ខែកុម្ភៈនេះថា ថ្មីៗនេះ ខាងមន្ត្រីស្នាក់ការរដ្ឋាករគយ បន្ទាយចក្រី បានតម្រូវឲ្យឡានដឹកស្រូវទាំងអស់ត្រូវបង់លុយ ក្នុងមួយឡាន១មុឺនរៀល ជាដាច់ខាត បើមិនព្រមឲ្យទេ គឺត្រូវឃាត់ឡានមិនអនុញ្ញាតិឲ្យឆ្លងយកស្រូវទៅលក់ទេ ។ ប្រភពដដែលបានរៀបរាប់បន្តថា ចាប់តាំងផ្ទុះខូវីដ១៩ មក ខាងវៀតណាម មិនអនុញ្ញាតិឲ្យឈ្មួញទិញលក់ស្រូវជនជាតិវៀតណាម ឆ្លងមកទិញស្រូវនៅដីកម្ពុជានោះទេ ដោយតម្រូវឲ្យឡានដឹកស្រូវទាំងអស់ បើកឡើងឆ្លងស្ពាន ទៅទម្លាក់លក់ស្រូវនៅខាងដីវៀតណាម ដែលធ្វើឲ្យការដឹកស្រូវទៅលក់មានការយឺតយ៉ាវជាខ្លាំង ថែមទាំងត្រូវចំណាយលុយកាន់តែច្រើន ដើម្បីបង់ឲ្យមន្ត្រីព្រំដែន ដែលពីមុនមក បង់ត្រឹមតែ ២,៥០០០៛ ជាតម្លៃទទួលយកបាន គឺចាប់ពីចំណតបេន រហូតឡើងឆ្លងស្ពានទៅវៀតណាម ពោលគឺ ខាងមន្ត្រីសណ្តាប់ធ្នាប់ បានរៀបចំសម្រួលចរាចរ តាមលំដាប់លំដោយ ធ្វើឲ្យការលក់ងាយស្រួល និងលឿនជាងមុន។ ប៉ុន្តែស្រាប់តែ ខាងមន្ត្រីគយច្រកព្រំដែន បានចេញមុខមកទារលុយពីពួកគាត់បន្ថែម ១មុឺនរៀល ទាំងដែលខាងគយមិនបានធ្វើអ្វីសោះ ពោលគឺប្រើអំណាច អង្គុយចាំយកលុយស្រស់ៗតែម្តង។
គួររំលឹកថា កន្លងមកការដឹកផលិតផលកសិកម្មទៅលក់ក្រៅប្រទេស គឺមិនតម្រូវឲ្យបង់លុយនោះទេ តែក្រុមអ្នករកស៊ីទិញលក់ស្រូវបានជូន២,៥០០០៛ក្នុងមួយឡាន ដល់អាជ្ញាធរច្រកសំរាប់ថ្លៃបាយទឹកក្នុងការសម្រួលចរាចរណ៍ជូនពួកគាត់ តែឥឡូវបែរជាខាងរដ្ឋាករគយ ចេញមកកំណត់ចំនួនលុយតាមតែចិត្ត ក្នុងពេលដែលប្រទេសកុំពុងមានវិបត្តិខូវីដ១៩។

សូមជម្រាបថា ខាងស្នាក់ការគយមិនដែលយកលុយពីឡានស្រូវទេពីមុនមក តែនៅពេលលោក ហង្ស វណ្ណ ដែលទើបតែផ្លាស់មកថ្មីជំនួសលោក សុង ម៉ាល័យ ប្រធានការិយាល័យស្នាក់ការរដ្ឋាករគយច្រកព្រំដែនបន្ទាយចក្រី មក គឺលោកតម្រូវឲ្យអ្នករកសុីទិញលក់ស្រូវ បង់លុយឲ្យលោកក្នុង ១ឡាន ១មុឺនរៀល ទេីបអនុញ្ញាតអោយឆ្លងកាត់។
យ៉ាងណាមិញ ចំពោះករណីនេះ ប្រជាពលរដ្ឋមិនសប្បាយចិត្តទេ ហើយសូមឲ្យថ្នាក់ដឹកនាំជួយអន្តរាគមន៍ឲ្យពួកគាត់ផង បើពុំដូច្នោះទេ ពលរដ្ឋគ្រោងនឹងនាំគ្នាផ្ទុះការតវ៉ាបឹតផ្លូវជាមិនខាន៕

Copy LinkFacebook MessengerSkypeSMSWhatsAppTelegramGmailGoogle BookmarksViberPinterestEmailLineFacebook

រំលង​ទៅ​របារ​ឧបករណ៍