រថយន្ត០២គ្រឿងបុកគ្នា បណ្តាលឲ្យគៀបមនុស្សជាប់ក្នុងកាបីន រងរបួសធ្ងន់ បង្កការភ្ញាក់ផ្អើល

Copy LinkFacebook MessengerSkypeSMSWhatsAppTelegramGmailGoogle BookmarksViberPinterestEmailLineFacebook

ភ្នំពេញ= ករណីគ្រោះថ្នាក់ចរាចរណ៍ ឡាន២គ្រឿងបុកគ្នា បណ្តាលឲ្យគាបមនុស្សជាប់ក្នុងកាបីន រងរបួសធ្ងន់ បង្កការភ្ញាក់ផ្អើលកាលពីរវេលាម៉ោងជាង៣យប់រំលងអធ្រាត្រឈានចូលថ្ងៃចន្ទ ទី១ ខែមីនា ឆ្នាំ២០២១ មានស្រ្តីម្នាក់និងបុរស ម្នាក់រងរបួសធ្ងន់ដោយ សារគាបជាប់ក្នុងកាប៊ីនរថយន្ត បន្ទាប់ពីបើករថយន្តឆ្វេងប្រហែលទៅបុករថយន្តដឹកមេស៊ីម៉ង់ត៍ដែលចតចោលនៅលើផ្លូវ ហេតុការណ៍កើតឡើងត្រង់ចំណុចខាងត្បូងសាលា កូរ៉េប្រមាណ ប្រហែល ៥០ ម៉ែត្រ ស្ថិតនៅក្នុងភូមិភ្លូផ្អែម សង្កាត់គោករការ ខណ្ឌព្រែកព្នៅ។
ជនរងគ្រោះមោះ សូរ ភាព ភេទស្រី អាយុ៤៥ឆ្នាំ ជនជាតិខ្មែរ រស់នៅភូមិស្គុះ សង្កាត់ស្វាយក្រវ៉ាន់ក្រុងច្បារមន ខេត្តកំពង់ស្ពឺ ។ ចំណែកអ្នកបើកបរមិនត្រូវបានស្គាល់ឈ្មោះនោះឡើយដោយបើករថយន្តដឹកថ្មតូចៗក្បាលពណ៌ស ពាក់ផ្លាកលេខ ភ្នំពេញ3F.3040 កៀបជាប់រងរបួសធ្ងន់។ចំណែករថយន្តដឹក មេស៊ីម៉ង់ត៍ក្បាលពណ៌ស ពាក់ផ្លាកលេខភ្នំពេញ3A.8556អ្នកបើកគេច ខ្លួនបាត់។ដំបូងឡើយមានរថយន្តដឹកមេស៊ីម៉ង់ត៍ម៉ាកហ៊ីយ៉ាន់ដាយដែលចតលើចិញ្ចើមផ្លូវ តាមបណ្ដោយផ្លូវ វិមានឈ្នះឈ្នះបែរក្បាលទៅទិសខាងជើង ខណ:កំពុងតែចតក៏ស្រាប់តែមាន រថយន្តដឹកថ្មតូចៗ បើកតាមបណ្ដោយផ្លូវវិមានឈ្នះឈ្នះ ទិសដៅពីត្បូងមកជើងក្នុងល្បឿនលឿន ក៏រេចង្កូតមក ខាងស្ដាំដៃទៅបុកចំពីចំហៀងខាងឆ្វេងខាងក្រោយរថយន្តដឹកមេស៊ីម៉ង់ត៍ចំកង់ខាងក្រោយ រថយន្តមិនទាន់អស់ល្បឿនបានទៅមុខប្រមាណ២០ម៉ែត្រ ក៏រេចង្កូតមកស្ដាំដៃបុកចូល មុខផ្ទះប្រជាពលរដ្ឋធ្លាក់ចូលប្រឡាយលូទឹកស្អុយបណ្តាលឲ្យរបួសស្រ្តីម្នាក់ដែលរួមដំណើរជាមួយត្រូរបាន ប្រជាពលរដ្ឋទាញចេញយកទៅសង្គ្រោះភ្លាមៗ។
ចំណែកឯតៃកុងគាបជាប់នៅក្នុងរថយន្តរហូតដល់ខាងសង្គ្រោះបន្ទាន់ផ្នែក 711 កងពលតូច ង70 បានមកជួយសង្គ្រោះកាត់ដែកចេញយកតែកុងដែលគាបយកទៅសង្គ្រោះ នៅឯមន្ទីរពេទ្យលោកសង្ឃ សមត្ថកិច្ចជំនាញចុះមកវាស់វែងស្ទូចយករថយន្តទាំងពីរគ្រឿងទៅរក្សាទុកនៅការិយាល័យចរាចរណ៍ផ្លូវគោកនៃស្នងការនគរបាលរាជធានីភ្នំពេញរងចាំដោះស្រាយគ្នានៅពេលក្រោយ៕

Copy LinkFacebook MessengerSkypeSMSWhatsAppTelegramGmailGoogle BookmarksViberPinterestEmailLineFacebook

រំលង​ទៅ​របារ​ឧបករណ៍