ធនាគារអភិវឌ្ឍន៍អាស៊ី(ADB) រួមចំណែកវិស័យបរិស្ថានដើម្បីភាពស្អាត ភាពបៃតង និងចីរភាព

នៅថ្ងៃទី២១ ខែមិថុនា ឆ្នាំ២០២៤ ឯកឧត្តមបណ្ឌិត អ៊ាង សុផល្លែត រដ្ឋមន្រ្តីក្រសួងបរិស្ថាន បានអនុញ្ញាតិឱ្យ លោក ហ្វើរេន វីឡា ផ្លែនណឺស (Ferran Vila Planas) ទីប្រឹក្សាជំនាញនៃការអភិវឌ្ឍទីផ្សារជាន់ខ្ពស់ (Senior Markets Development Advisory Specialist) នៃធនាគារអភិវឌ្ឍន៍អាស៊ី (ADB) ចូលជួបសម្តែងការគួរសម និងពិភាក្សាការងារនៅទីស្តីការក្រសួងបរិស្ថាន ដើម្បីរួមចំណែកជាមួយវិស័យបរិស្ថាន ក្នុងន័យលើកកម្ពស់ជីវភាព និងសុខុមាលភាពសហគមន៍មូលដ្ឋាន និងប្រជាសហគមន៍នៅតាមតំបន់ការពារធម្មជាតិ។