ឧត្តមសេនីយ៍ឯក រ័ត្ន ស្រ៊ាង ចាត់ឱ្យក្រុមការងារធ្វើការបាញ់ថ្នាំសម្លាប់មូសក្នុងបរិវេណអង្គភាព និងតាមបណ្តាមូលដ្ឋានអាវុធហត្ថខណ្ឌទាំង១៤ ព្រមទាំងកន្លែងដែលមានហានីភ័យខ្ពស់នៅតាមភូមិសាស្ត្រមួយចំនួនក្នុងមូលដ្ឋានសង្កាត់ព្រែកកំពឹស

 

នៅថ្ងៃទី០១ ខែមីនា ឆ្នាំ២០២៥ លោក ឧត្តមសេនីយ៍ឯក រ័ត្ន ស្រ៊ាង មេបញ្ជាការរង កងរាជអាវុធហត្ថលើផ្ទៃប្រទេសជាមេបញ្ជាការកងរាជអាវុធហត្ថរាជធានីភ្នំពេញបានចាត់ឱ្យក្រុមការងារចុះជាបន្តបន្ទាប់ធ្វើការបាញ់ថ្នាំសម្លាប់មូសក្នុងបរិវេណអង្គភាព និងតាមបណ្តាមូលដ្ឋានអាវុធហត្ថខណ្ឌទាំង១៤ ព្រមទាំងកន្លែងដែលមានហានីភ័យខ្ពស់នៅតាមភូមិសាស្ត្រមួយចំនួនក្នុងមូលដ្ឋានសង្កាត់ព្រែកកំពឹស ខណ្ឌដង្កោ។

ការបាញ់ថ្នាំសម្លាប់មូសនាពេលនេះក្នុងគោលបំណងដើម្បីជួយទប់ស្កាត់ និងការពារការកើតមានករណីជំងឺគ្រុនឈាម ដើម្បីឆ្លើយតបតាមការណែនាំរបស់ក្រសួងសុខាភិបាលផងដែរ៕